A Comunidade Aliura é un proxecto impulsado por Suara Cooperativa que acompaña a persoas coidadoras e familias que conviven coa dependencia. O seu obxectivo é dar visibilidade ás dificultades emocionais, loxísticas e sociais que afrontan as persoas coidadoras, crear unha rede de apoio mutuo e ofrecer ferramentas prácticas para facer máis levadío este camiño.

Para iso, Aliura organiza encontros presenciais e virtuais onde as persoas coidadoras poden compartir vivencias, recibir orientación e conectar con outras familias que viven situacións similares. Ademais, ofrece asesoramento sobre temas legais, económicos, servizos de atención no fogar e recursos para o benestar das persoas maiores.

Co fin de manter o seu labor, a Comunidade Aliura impulsa campañas de sensibilización e colabora con outras entidades do territorio. Tamén contribuiu recentemente a un estudo que visibiliza o impacto dos coidados familiares e o papel das mulleres coidadoras, especialmente da chamada xeneración sándwich (xeralmente mulleres entre 40 e 55 anos que coidan simultaneamente dos seus fillos menores e dos seus pais maiores).

O domingo 16 de novembro, a Comunidade Aliura participará como grupo na Carreira da Muller en Barcelona, formando parte activa do evento e ofrecendo na zona post meta un espazo de conversa, información e apoio para todas aquelas persoas que coidan.

📲 Sigue á Comunidade Aliura nas redes sociais

Instagram: @aliura.coop
Facebook: @aliura.coop